Xanemir Ey Zagros

He şopa siwarên tofana giran li ser
Pişta te dinale
Hê bi birîn in rûpelên dîroka te
Tu çima sînga xwe vedişêrî
Di zivistana sar û seqem de
Ji kulîlkên buharê re
We hê çend şev bi bager bin li awirên te
Wê hê çend karwan bikevin
Wê hê çend kevok biqefilin li hêlînên te
Ma heta kengê wê senfoniya mirinê
Bifûre li ser banî û pasarên te
Wan çavên geş û dilên pak li hêviyê
Biharê ne
Hewarê radigihînin berbangê re
Rê bide Zagros ji karwanê evînê re
Rê bide bila tûvên biharê bibizirînin
Mijên te Zagros
Rê bide ku hêviyên azadiyê bibiriqe
Rê bide û rê bide

Karvanek rê ket çiyayê Zagros
Mij û dûman ketin ber roj
Roj çû ava şev bû tarî
Dîsa li me befir barî
Heval were ez benda te me

Ba û bager hişk û sar e
Zivistan wek gurê har e
Dilê min de hêviyek heye
Carek dinê bihar were
Heval were ez benda te me