Vasif Azimov Yagan Yagishdir Goz Yashim

Yağan yağışdır göz yaşım,
Küləklər ahımdır mənim.
Mən indi sənsizəmsə tək,
Bu öz günahımdır mənim.

Sən aldığım nəfəsdəsən,
Sən ötən hər anımdasan.
Nə mən sənin yanındayam.,
Nə sən mənim yanımdasan.

Görüşünə getsəm görəsən,
Naməmi yazsam, nə edim.
Hansı ümidlərlə yazım,
Mənim ki, yoxdur ümidüm.

Barı sən yuxularıma gəl,
Röyalarda duyum səni.
Doyunca gözlərinə baxım,
Doyunca oxşuyum səni.

Yadındamı o son görüş,
Bu gün hər şey bitdi dedin.
Mən buna bir səhvdir dedim,
Sən isə xəyanətdir dedin.

Dedin ki, indi get götür,
Rəsmimizi bağrına bas.
O, biz birgə seçdiyimiz,
Nəğməmizə tək qulaq as.

Bir mən idim, bir sən idin,
Bir də qaranlıq küçələr.
İndi o yerlərdə mənəm,
Birdə ki, zülmət gecələr.

Artıq o yerlərdə sənin,
Gəlir xəyalın görüşə.
Mən ölsəm belə qoymaram,
O yerə başqa bir iz düşə.