Şəmistan Hüseyn oğlu Əlizamanlı 1959-cu ildə Gürcüstan Respublikasının Marneuli şəhərində anadan olmuşdur. Yaradıcılıq fəaliyyətinə 1979-cu ildə C.Cabbarlı adına İrəvan Azərbaycan Dövlət Dram Teatrında başlayan Şəmistan Əlizamanlı 1985-ci ildə Mədəniyyət və İncəsənət Universitetinin dram-kino aktyorluğu fakültəsini bitirmişdir. Daha sonra Azərbaycan Dövlət Radiosunda diktor kimi işləyən Əlizamanlı Birinci Qarabağ Müharibəsi dövründə Azərbaycan Dövlət Televiziyasında diktor kiimi işləməyə başlamışdır. Diktorluq fəaliyyəti əsasən hərbi-vətənpərvərlik mövzusunda olmaqla yanaşı, eyni zamanda bu mövzuda bir çox mahnıların ifaçısıdır.