Серхадо Эз Курдистан Им

Ez ax im, ez av im, ez bahoz im, ez agir im
Zivistan im, payîz im, ez bihar im, ez havîn im
Mahabat im, Qamişlo, Hewlêr û Amed im
Ez bakûr im, başûr im, rojava û rojhilat im
Ez axa zîv û zêr im, petrol im, ez dewlemend im
Şînahî me, ez kulîlk im, kesk û sor û zer im
Xwezayê bedew im, Ararat û Zagros im
Ez Serhed û Behdînan, Dersîm û Botan im
Kaniya jînê me, gola ûrmiyê û Wan im
Ez Avaşîn û Mûnzûr, Dicle û Firat im
Ez Nemrûd im heskîf im, ez Mem û Zîn im
Ji bo mirovahiyê ser çiyayê Cûdî lîmal im
Rojê dertînim, newroz im, Kaw'a hesinkar im
Ez Zerdeşt im, Silhedîn im, ez pîr Sûltan im
Neviyê Sumeyra, keça Med im, ez dîrok im, ez gel im, ez ax im
Ez Kudistan im!
Ez Kudistan im bûka cihan im
Cihê mêrahî şerê giran im
Kaniya jînê, warê hebûnê
Li hêviya we me rojê dertînim
Ez tîrêj im, ez pel im, ez berf û baran im
Ez teyrêbaz im azmanê me, ez bayê zozan im
Ez barê giran im, kul û birînê hezar salan im
Ez xwîna axa sor im zext û zilmê re qurban im
Ez hêsîr im, bindest im, ez girtiyê zindan im
Leşkerê rojê me, xwe diparêzim, ez berxwedan im
Hêvîdar im, siba serxwebûn im, siba rizgar im
Ez welat im, netew im, dilê rojhilata navîn im
Ez zarok im û dayîk im, gazî me û şehîd im
Dayika Agît, Heyrî û Mazlûm û Kemal Pîr im
Qehraman im, Bêrîtan im, Zîlan im ez Bêrîvan im
Destê xwe radikim û serê xwe dihejînim
Dayika Mele Mistefa, Şêx Seîd û Bedirxan im
Bîst û neh caran serî rakirime,
Ez serhildan im, tekoşîn im şerê giran im
Ez bawer im û armanc im, ez hêviya azad im
Ez Kudistan im!
Ez Kudistan im bûka cihan im
Cihê mêrahî şerê giran im
Kaniya jînê, warê hebûnê
Li hêviya we me rojê dertînim