Ramil Sedali Dedim Dedi

Dedim : - Ey qönçə dəhan, könlümü qan eyləmisən

Dedi : - Bica yerə eşqimdə fəqan eyləmisən

Dedim : - Insaf elə incitmə məni, aşiqinəm

Dedi : - Get, sirrimi dünyaya əyan eyləmisən

Dedim : - Aglatma məni sərv boyun şövqündə

Dedi : - Göz yaşini bihudə rəvan eyləmisən

Dedim : - Axir, gözəlim, bagü baharim sənsən

Dedi : - Sən ömrünü həsrətlə xəzan eyləmisən

Dedim : - Az çekməmişəm gözlərinin həsrətini

Dedi : - Öz könlünü yersiz nigaran eyləmisən

Dedim : - Eşqində əsirəm, mənə bəs xeyri nədir...?

Dedi : - Əvvəldə bu sevdadə ziyan eyləmisən

Dedim : - Eşq atəşi neylər mənə, qorxan deyiləm

Dedi : - Biçarə, yanarsan, nə güman eyləmisən...?

Dedim : - Ey gül, mən əzəldən də gözəl aşiqiyəm

Dedi : - Sən ruhini eşq iyle cavan eyləmisən

Dedim : - Hər gün seri-kuyində dolanmaqdir işim

Dedi : - Vahid, nə gözəl yerdə məkan eyləmisən...?