BadClause Sevdim Seni

[Bənd 1]

Ətrini qoxlamadan sevdim səni, sevdim yəni

Limanda yorğun ayaqlar gözlədi, gəlmədi gəmi

Sevmədi məni, nə də saymadı təqvimləri

Xətrinə şeir yazıb, vərəqə düzdüm hər cümləni



Hər cümə səni görməkçün bir neçə söz bəs eləyirdi

Çoxdan küsüb o məndən, amma gözləri yenə nəsə deyirdi

Lal olan ayaqlar gedirdi, kar olan hisslərin ardınca

Gündən-günə keçir ömür, hər səhər sənsiz oyandıqca



Günəş nurunu üzümə vurub gizlənirdi hardasa

Yağış təbiəti necə unudar torpaq hələ də yaşdırsa?

Yol daşdırsa, sənə gələ bilməsəm əgər, ara bir yada sal

Sənə 20 mahnı, 4 kitab, bir ömür yazdım hardasa!



Gəl, hardasan?! Həmin yerdəsənmi hələ də?

Tozlanıbmı pəncərələr, varmı yanında bir kimsə?

İtirdim kimisə... Bilirsən necə tək qaldım?!

Yeganə doğmamsan ki, illərdir yad kimisən...



Ayrılığımıza şahid olan hər bir küçənin

Tozunda, torpağında ətrin qalıb ilk günkü kimi

Təki sən gül deyə mən neçə gülü qırdım az yaşında

Təxmini üç ildir qalıb ayrı saçların balışımdan



[Nəqərat]

Sevməsən də sevərəm

Geri gəlməsən gözlərəm

Dedin geriyә dönmәrәm ovuclarına



Mənim əllərimdə sənə gül

Sənin əllərində bir ömür

Göz yaşlarım da süzülür yollarına



[Bənd 2]

Bilmirsən sən...

Təxmini üç ildir qalıb ayrı saçların balışımdan

Sən bilən əvvəlki kimi gözəl qoxmur saçım, saqqalım

Kölgən gözümə qaranlıq dəyirdi şər qarışanda

Qalanlar ölümə məhbus olur, gedənlərsə sağ qalır



Dolaşır əlimə saçları qəhvəyi gözlərində qəm

Dodaqlar adını sayıqladı və gördü gözlərim nələr

Xəbərsiz çıxıb getdi ürəyimdən gözlənilmədən

Ona görə yaşamaq daha çətin gəlir ölümə nisbətən



[Nəqərat]

Sevməsən də sevərəm

Geri gəlməsən gözlərəm

Dedin geriyә dönmәrәm ovuclarına



Mənim əllərimdə sənə gül

Sənin əllərində bir ömür

Göz yaşlarım da süzülür yollarına