Aras Ibrahim Banga Ceger Xwin

Bi salaye li ser te ez dinalim
Dikim qîr û hawar herdem bi vînê
L’min bibûre,nema êdî dikarim
Li gorê me,bê dengim ez li jînê
Dixwazim kefen bigrim,biçirînim
Serî hildim ji nav taxên zemînê
Keçê Kurda tevî xorta dinalin
Cegerxwîno,were hana birînê
Ji Qamişlo çi nalînek ji kûr tê
Dibêjî:Ka hilo seyrke birînê
Çiqasî min divê rabim werim lez
Wekî carê siwarê boz mehînê
Ji nû dîlan serî bigrim herim jor

Bi fetla vê ger û qoşma vejînê
Li pêşî bim fîdakarbim wekî zind
Bi can gorî bidim,nextê zemînê
Xuya êdî nema karim liv û ger
Di gorê de wekî termê nivînê
Cihek tenge rapêça´m ben û dîl
Nikarê can hilo,rabê derînê
Sipas kurd va li mehrava mi rêzin
Serê tîpa ji ser nama´m dixwînê
Bi yek dengî hemî ligelhev dibêjin
Emê xweşkin civata xwe li jînê
Rihet raze xweşî dilbe,lo seyda
Silav pey hev ji bo na me dişînê