İnsan Dediler

Okaber - İnsan Dediler mahnı sözləri

Bu oyunların sonuna udan uduzan dedilər
Yazdığımız sətirlərə
güldülər asan dedilər

İllərlə baş kəsib, qan
içib doymayan bəşəriyyət
Allahu Əkbər! deyib oxunsun Azan dedilər

Öz əsərlərində yaşayanlar
ölmür yazıb dahilər
Unudulduğunuz yerlərə
Fəxri Xiyaban dedilər

Yelkənsiz gəmiləri
sahibsiz buraxan sahillər
Boğulan insan görüb qoy
ölsün nadan dedilər

Daşlanmış qadının
fəryadı göyə sovrulanda
Şəriyyətdə belədi qanun
buyurub Qur’an dedilər

İnsanları niyə bədbəxt
elədiniz? Soruşanda
Bizlərdə nə şərəf var
nə də vicdan dedilər

Küçədə yatanların ağrı
əzabı gözə görünməz
Sökülən daxma yerinə
tikilir fontan dedilər

Dedilər Şəhidlər ölməz
guya ki Vətən bölünməz
Satılan Torpaqların
şərəfinə şampan dedilər.